Het gae je goed

Noe bin ‘k dan voe ’t leste an de burte. Mè julder motte noe dirrom nie dienke da me nie deurgae in oanze streektaal. ’t Za gin waer weze! Van Henk Blom uut Schouwen en van Rinus Willemsen uut Zeêuws-Vlaandere stae d’r dikkels rubrieken in aollerlei verschillende kranten en tijdschriften. En dan de ‘Zeeuwse Spreukenkalender’ van Rinus nie te vergeten, ee. Om den aren dag een bladje mie een spreuke d’r op. Frans van der Heijde zoekt het ôgerop en klumt op de preekstoel om in z’n eigen Walcherse streektaal het ‘Woord’ te verkondigen. Dat rikt in je ziele.